Media Komunikasi Marga Sibagariang

Na gabe hatopan na umpompar marga Sibagariang di Huta Raja, i ma na margoar NAMORA SILAMBOK. Sundut paopathon ma i molo dietong sian Donda Hopol. Molo didok Sibagariang Hutaraja, tontu nunga pomparan ni Namora Silambok i. Boasa didok Namora Silambok? Goar tulut do i tutu. Songon goarna daina, songon goarna do nang pangalahona. Na mora do tutu ompu i, alai nang pe godang artana, tung mansai lambok do pangkulingna. Tung so jadi risi manang sogo alusna tu donganna. Na serep do rohana jala ringgas mangurupi donganna. Ala ni i ma digoari ompu i NAMORA SILAMBOK. Dibasabasahon do tu ompu i, tolu anak na maulibulung na gabe sitorushon mudar ni Sibagariang di tano Huta Raja, i ma: 1. Raja Manarak 2. Pamona Raja 3. Panjalahi Dipadiri do tugu di atas ni saringsaringna, songon gabe tanda mamparsangapi ompu i. Tarida do tinatap sian pinggir dalan dingkan siamun molo mamolus hita salpu Hutaraja Pertanian mandapothon gareja HKBP Hutaraja. Anggiat ma boi gabe sitiruon lumobi tiruon ni angka na umpompa